تحدث إمام عاشور لاعب الفريق الأول لكرة القدم بالنادي الأهلي، عن فترة تواجده في الزمالك قبل الاحتراف في صفوف ميتلاند الدنماركي، ومن ثم العودة إلى الأحمر.

وقال عاشور في تصريحات تلفزيونية: «عندما كنت لاعبا في حرس الحدود وتلقيت عرضا من الزمالك، كانت المفاوضات ستتوقف بسبب المقابل المادي».

إمام عاشور: قضيت أول موسمين مع الزمالك بدون فلوس

وأضاف: «بعد ذلك وقعت للزمالك لمدة 4 مواسم، وعرضت على مسؤوليه أن أتحمل تكاليف أول موسمين من راتبي، وبالفعل أول موسمين لم أحصل على أي مقابل، كنت باخد مكافآت الفوز فقط».

وأوضح: «وأنا في نادي الزمالك جالي كذا عرض منهم في إسبانيا، مكنتش اعرف حاجة عن عرض ميتلاند، بس قررت أكمل وجددت في الزمالك ساعتها ومعرفش العقد أتوثق ولا لأ، لقيت مسؤولي الزمالك بيكلموني الساعة 12 باليل عايزينك دلوقتي، قالولي بالحرف الواحد إنت هتمشي، في نادي اسمه ميتلاند هتروحه، قلتلهم مفيش مشكلة ، روحت تاني يوم النادي لقيت العقود وكل حاجة هما مجهزينها، قلتلهم مفيش مشكلة وروحت مضيت وعملت بعدها اللقاء على قناة الزمالك».